Covid-19aren pandemia globalak eragin berezia du pertsonarik zaurgarrienengan. Une honetako egoera konplexuaren ondorioz, milaka pertsona pobreziaren bidean, desberdintasunen bidean eta gizartetik kanpora daraman bidean daude. Egoera hau kontuan izanda, Jesusen Lagundiak, obrek, instituzioek eta elkarteek lanean #jarraitzendugu, beharrik handieneko talde eta pertsonak artatzeko. Zehatz esateko, hiru arlo handitan areagotu dugu gure jarduna:

• Premiazko laguntzaren arloan, oinarrizko beharrak artatzeko (elikagaiak, etxebizitza eta osasuna).
• Lagun egin hezkuntza alorrean (eskola-errefortzua eta arrakala digitala), psiko-sozialean (harrera eta orientazioa, arreta juridikoa eta trebakuntza) eta lan-munduan sartzeko arloan (prestakuntza, orientazioa eta lan-munduan sartzea).
• Nazioarteko lankidetzaren alorrean; krisiaren ondorioak mundu osoan jasan arren, munduko hainbat tokitan krisi horri aurre egiteko bitarteko gutxi dute eta aurre egiten lagundu nahi diegu Jesusen Lagundiko obrei.