A pandemia global do covid-19 está golpeando especialmente as persoas máis vulnerábeis. A complexidade deste momento está empuxando millóns de persoas á pobreza, á desigualdade e á exclusión social. Nesta situación, a Compañía de Xesús, as súas obras, institucións e comunidades #seguimos traballando para atendermos os colectivos e persoas que máis o necesitan. En concreto estamos a reforzar o noso actuar en tres grandes liñas:

• Axuda de urxencia para atendermos necesidades básicas (alimentación, vivenda e saúde).
• Acompañamento nos ámbitos educativo (reforzo escolar e atención á fenda dixital), psico-social (acollida e orientación, atención xurídica e formación) e de inserción laboral (formación, orientación e inserción).
• Cooperación internacional apoiando os esforzos das obras da Compañía de Xesús naqueles outros lugares do mundo afectados pola crise e que contan con menos medios para responderen a ela.